नाशिक शहरातील एका प्रतिष्ठित आयटी कंपनीत महिला कर्मचाऱ्यांवर झालेल्या लैंगिक अत्याचार आणि धर्मांतराच्या प्रयत्नाने संपूर्ण महाराष्ट्र हादरून गेला आहे. या गंभीर प्रकरणाची दखल घेत पोलिसांनी अत्यंत धाडसी आणि गोपनीय मोहीम राबवत सात महिला अधिकाऱ्यांना वेषांतर करून कंपनीत पाठवले. या ऑपरेशनमध्ये सेक्स रॅकेटचा बुरखा फाडून काढत पोलिसांनी सहा आरोपींना अटक केली असून, यात एका महिला एचआरचाही समावेश आहे.
महिला कर्मचाऱ्यांवर अत्याचार, धर्मांतराचा प्रयत्न
नाशिकमध्ये कार्यरत असलेल्या एका मल्टीनॅशनल आयटी कंपनीत मोठ्या प्रमाणात गैरव्यवहार सुरू असल्याची माहिती पोलिसांना मिळाली होती. कंपनीतील काही वरिष्ठ अधिकारी महिला कर्मचाऱ्यांना चांगल्या करिअरचे स्वप्न दाखवून त्यांच्याशी अश्लील हावभाव करत होते. तसेच त्यांचे लैंगिक शोषण करण्यात येत होते. एवढेच नव्हे, तर महिलांचे धर्मांतर करून त्यांच्यावर विशिष्ट धर्मीय संस्कृती लादण्याचाही प्रयत्न सुरू असल्याचे उघडकीस आले.
या प्रकरणानंतर पीडित महिलांच्या कुटुंबीयांमध्ये संतापाची लाट उसळली असून, राज्यभरातून या घटनेचा निषेध होत आहे.
वेषांतरात सात महिला अधिकाऱ्यांची मोहीम
प्रकरणाचे गांभीर्य लक्षात घेता, नाशिक पोलिसांनी सरळ कारवाईऐवजी एक गुप्त ऑपरेशनची योजना आखली. यासाठी सात वरिष्ठ महिला पोलिस अधिकाऱ्यांची विशेष टीम तयार करण्यात आली. या अधिकाऱ्यांनी सामान्य कर्मचारी म्हणून वेषांतर केले आणि त्या आयटी कंपनीत दाखल झाल्या.
कंपनीत मीटिंगच्या वेळी या महिला अधिकाऱ्यांनी प्रत्यक्ष पाहिले की, आरोपी कसे अश्लील हावभाव करतात, महिलांशी कसे गैरवर्तन करतात. स्वतःच्या डोळ्यांनी हे प्रकार पाहिल्यानंतर महिला अधिकाऱ्यांनी शिताफीने कारवाई करत आरोपींना ताब्यात घेतले.
सीसीटीव्ही फुटेज आणि डिजिटल पुरावे जमा
या प्रकरणाच्या तपासादरम्यान पोलिसांनी ४० हून अधिक सीसीटीव्ही फुटेजची तपासणी केली. तसेच डिजिटल पुरावेही गोळा करण्यात आले. ठोस पुराव्यांच्या आधारेच ही मोठी कारवाई यशस्वी झाली. नाशिक पोलिसांच्या या अचूक आणि धाडसी ऑपरेशनमुळे संपूर्ण रॅकेटचा भांडाफोड झाला आहे.
तपासात असेही उघडकीस आले की, कंपनीतील काही टीम लीडर तरुणींचा पद्धतशीर ‘ब्रेनवॉश’ करत होते. त्यांना प्रेमाच्या जाळ्यात अडकवून लग्नाचे आमिष दाखवले जात होते.
हे सुद्धा वाचा
Ladki bahin yojna : लाडकी बहिण योजना बंद होणार ? उच्च न्यायालय योजने बाबद काय म्हटले….
9 गुन्हे दाखल, 6 आरोपींना अटक
या प्रकरणात आतापर्यंत 9 पीडित महिलांनी पुढे येऊन गुन्हा दाखल केला आहे. यात दोन विवाहित महिलांचाही समावेश आहे. तसेच एका तरुणाला बळजबरीने धर्मांतर करण्याचा प्रयत्न झाल्याचेही उघडकीस आले आहे.
पोलिसांनी आतापर्यंत 6 आरोपींना अटक केली आहे. यामध्ये एका महिला एचआरचाही समावेश असून, ती बराच काळ फरार होती. नाशिक पोलिसांनी तिला पुण्यातून ताब्यात घेतले. पीडित महिलांनी वारंवार तक्रार करूनही तिने दुर्लक्ष केल्याने तिला सहआरोपी करण्यात आले आहे.
या प्रकरणात आणखी काही मोठे खुलासे होण्याची शक्यता आहे. सर्व आरोपींना आज न्यायालयात हाजर केले जाणार आहे. पोलिसांनी सांगितले की, या प्रकरणातील इतर आरोपींचा शोध सुरू असून, लवकरच अधिक कारवाई केली जाईल.
नाशिकमध्ये घडलेल्या या घटनेने संपूर्ण देशाचे लक्ष वेधून घेतले असून, आयटी क्षेत्रातील महिला कर्मचाऱ्यांच्या सुरक्षिततेचा प्रश्न पुन्हा एकदा ऐरणीवर आला आहे.
