मुंबई-पुणे मिसिंग लिंकचे लोकार्पन

मुंबई-पुणे द्रुतगती महामार्गाला पूर्णपणे ‘एक्सेस कंट्रोल’ बनवणारा अतिमहत्त्वाकांक्षी ‘मिसिंग लिंक’ प्रकल्प आजपासून वाहतुकीसाठी खुला झाला आहे. मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उपमुख्यमंत्री सुनेत्रा पवार यांच्या हस्ते या प्रकल्पाचे लोकार्पण करण्यात आले.

या नव्या रस्त्यामुळे घाटातील वाहतूक कोंडी मोठ्या प्रमाणावर कमी होण्यास मदत होणार असून, मुंबई आणि पुणे या दोन शहरांमधील प्रवास अधिक वेगवान, सुरक्षित आणि आरामदायी बनणार आहे.

काय आहे ‘मिसिंग लिंक’? वैशिष्ट्ये आणि आकडे

हा प्रकल्प खोपोली एक्झिट ते कुसगाव या दरम्यान उभारण्यात आला आहे. एकूण १०.५ किलोमीटर लांबीच्या या मार्गात दोन मोठे बोगदे, उंचीवरील व्हायाडक्ट आणि टायगर व्हॅलीवर १८२ मीटर उंचीचा केबल-स्टेड पूल समाविष्ट आहे.

• बोगद्याची रुंदी – २३.७५ मीटर (जगातील सर्वाधिक रुंद बोगद्यांपैकी एक)

• बोगद्यांची लांबी – पहिला ८.९२ किमी, दुसरा १.७५ किमी

• पुलाची उंची – जमिनीपासून १३२ फूट (सुमारे ४० मीटर)

• लोणावळा तलावाखालील खोली – १८२ मीटर खालून मार्ग

हा प्रकल्प प्रतिकूल हवामानात – ७० किमी प्रतितास वेगाचे वारे, मुसळधार पाऊस आणि अवघड भौगोलिक परिस्थितीत – यशस्वीपणे पूर्ण करण्यात आला. महाराष्ट्र राज्य रस्ते विकास महामंडळाने (MSRDC) हे आव्हान स्वीकारून प्रकल्पाला अंतिम स्वरूप दिल्याबद्दल त्यांचे विशेष कौतुक करण्यात आले.

 वेगमर्यादा आणि वाहनांसाठी नियम

मिसिंग लिंकवर वेगवेगळ्या वाहनांसाठी वेगमर्यादा निश्चित करण्यात आली आहे:

 या वाहनांना मिसिंग लिंकवर बंदी

सर्वच वाहनांना या मार्गाचा वापर करता येणार नाही. ज्वलनशील पदार्थ, स्फोटके किंवा धोकादायक वस्तू वाहतूक करणाऱ्या वाहनांना मिसिंग लिंकवर प्रवेश पूर्णपणे निषिद्ध आहे. अशा वाहनांनी जुन्या मुंबई-पुणे द्रुतगती मार्गाचाच वापर करावा.

 प्रवासात अर्धा तास वाचणार, टोलवर कोणतीही वाढ नाही

या प्रकल्पामुळे मुंबई-पुणे अंतर ६ किलोमीटरने कमी झाले आहे. परिणामी, नेहमीच्या वेळेपेक्षा सुमारे अर्धा तास कमी लागणार आहे. विशेष म्हणजे, मिसिंग लिंक सुरू झाल्यानंतर टोल दरात कोणतीही वाढ करण्यात आलेली नाही.

प्रकल्प २०१९ मध्ये सुरू झाला होता आणि जगातील सर्वात प्रगत तंत्रज्ञान वापरून हा बोगदा तयार करण्यात आला आहे. यामध्ये चारचाकी वाहने आणि बसेस यांना प्राधान्य दिले जाणार आहे.

हे पण वाचा 

प्रवरा पात्रात अवैध वाळू उपसा, गुन्हे शाखेची धडक कारवाई

बारामतीतून लढणार नाही – सुप्रिया सुळे

 गिनीज वर्ल्ड रेकॉर्डमध्ये नोंद

मिसिंग लिंक हा केवळ एक रस्ता नसून आधुनिक अभियांत्रिकीचा अद्भुत नमुना आहे. यातील २३.५ मीटर रुंदीचा बोगदा हा जगातील सर्वात रुंद बोगदा म्हणून गिनीज बुक ऑफ वर्ल्ड रेकॉर्डमध्ये नोंदवण्यात आला आहे. हा बोगदा लोणावळा तलावाच्या १८० मीटर खालून खोदण्यात आला आहे.