उमेदवारांची संपूर्ण यादी, वाचा सविस्तर

महाराष्ट्र विधान परिषदेच्या एकूण 10 जागांसाठी निवडणुकीची तारीख जाहीर झाली आहे. येत्या 12 मे 2026 रोजी सकाळी 9 ते दुपारी 4 वाजेपर्यंत मतदान होणार असून त्याच दिवशी संध्याकाळी 5 वाजता निकाल लागेल. यामध्ये 9 नियमित जागा तर एका जागेसाठी पोटनिवडणूक पार पडणार आहे. भारत निवडणूक आयोगाने हा कार्यक्रम नुकताच जाहीर केला.

10 जागांसाठी एकाच टप्प्यात मतदान

महाराष्ट्र विधान परिषदेवरील 9 आमदारांचा कार्यकाळ पूर्ण होत असल्याने या जागांसाठी नियमित निवडणूक घेतली जात आहे. तर अन्य एका रिक्त जागेसाठी पोटनिवडणूक होणार आहे. दोन्ही निवडणुकांची प्रक्रिया एकाच वेळी पार पडणार असून 12 मे हा मतदानाचा दिवस असेल.

निवडणूक आयोगाने जारी केलेल्या वेळापत्रकानुसार, 23 एप्रिल रोजी अधिसूचना प्रसिद्ध होईल. उमेदवारी अर्ज 30 एप्रिलपर्यंत भरता येतील. त्यांची छाननी 2 मे रोजी होईल, तर 4 मे ही अर्ज मागे घेण्याची अंतिम तारीख असेल. 12 मे रोजी मतदान व त्याच दिवशी संध्याकाळी 5 वाजता मतमोजणी करून निकाल जाहीर केला जाईल. 13 मेपर्यंत संपूर्ण निवडणूक प्रक्रिया पूर्ण करण्यात येईल.

विजयासाठी 28 मतांचा कोटा

विधान परिषदेच्या निवडणुकीत एक उमेदवार निवडून येण्यासाठी किमान 28 आमदारांची मते आवश्यक आहेत. विधानसभेतील विद्यमान संख्याबळ पाहता महायुतीचे आठ उमेदवार सहज निवडून येऊ शकतात. भाजपकडे 131, शिवसेना (शिंदे गट)कडे 57 तर राष्ट्रवादी (अजित पवार गट)कडे 40 आमदार आहेत. महायुतीचे एकूण संख्याबळ 228 इतके आहे. यामुळे त्यांचे 8 उमेदवार सहज यशस्वी होण्याची शक्यता आहे.

दुसरीकडे महाविकास आघाडीकडे 46 आमदारांचे बळ आहे. त्यामुळे त्यांना केवळ एकच जागा मिळू शकेल.

कोणत्या पक्षाकडून कोणते उमेदवार?

प्रमुख राजकीय पक्षांनी आपल्या उमेदवारांची नावे अंतिम केली आहेत. भाजपकडून सर्वाधिक सहा उमेदवार रिंगणात आहेत. इतर पक्षांनी अनुक्रमे दोन, एक अशी उमेदवारी जाहीर केली आहे.

भाजपचे उमेदवार (BJP Candidates):

• सुनील कर्जतकर

• माधवी नाईक

• संजय भेंडे

• विवेक कोल्हे

• प्रमोद जठार

• प्रज्ञा सातव (पोटनिवडणूक)

शिवसेना (शिंदे गट) चे उमेदवार:

• नीलम गोऱ्हे

• बच्चू कडू

राष्ट्रवादी (अजित पवार गट) चे उमेदवार:

• झिशान सिद्दीकी

शिवसेना (उद्धव बाळासाहेब ठाकरे गट) चे उमेदवार:

• अंबादास दानवे (महाविकास आघाडीचे संयुक्त उमेदवार)

कोणाचा कार्यकाळ संपणार?

विधान परिषदेवरील खालील नऊ आमदारांचा कार्यकाळ लवकरच संपत आहे. त्यामुळे या सर्व जागांसाठी निवडणूक होणार आहे:

1. उद्धव ठाकरे (शिवसेना – उबाठा)

2. नीलम गोऱ्हे (शिवसेना – शिंदे गट)

3. शशिकांत शिंदे (राष्ट्रवादी – शरद पवार गट)

4. अमोल मिटकरी (राष्ट्रवादी – अजित पवार गट)

5. गोपीचंद पडळकर (भाजप)

6. रणजितसिंह मोहिते-पाटील (भाजप)

7. राजेश राठोड (काँग्रेस)

8. प्रवीण दटके (भाजप)

9. रमेश कराड (भाजप)

याशिवाय प्रज्ञा सातव यांच्या जागेसाठी स्वतंत्र पोटनिवडणूक होणार आहे.

सध्या जाहीर झालेल्या उमेदवारांच्या यादीनुसार, महायुतीचे 8 उमेदवार बिनविरोध निवडून येतील, असे समीकरण आहे. मात्र महाविकास आघाडीने एकमेव अंबादास दानवे यांना उमेदवारी दिली आहे. त्यांची निवड जवळपास निश्चित मानली जात आहे. तरीही अंतिम निकाल 12 मे रोजी स्पष्ट होईल.

या निवडणुकीमुळे महाराष्ट्राच्या राजकारणात पुन्हा एकदा रंगत येणार आहे.

हे पण वाचा

निर्मळ पिंपरीत गर्भलिंग तपासणीवर पोलिसांचा छापा, डॉक्टरसह एजेंट ताब्यात..वाचा सविस्तर

बारामतीत पुन्हा ‘पवार vs पवार’? सुप्रिया सुळेंनी स्पष्टच सांगितला आपला निर्णय