दक्षिण भारतात बुलेट ट्रेनचा विस्तार…

पश्चिम भारतात मुंबई ते अहमदाबाद बुलेट ट्रेनचे काम जोरात सुरू असतानाच, आता दक्षिण भारतातही हायस्पीड रेल्वेचे जाळे विणले जाणार आहे. ५०८ किलोमीटरचे अंतर अवघ्या २ ते ३ तासांत पार करणाऱ्या या महत्त्वाकांक्षी प्रकल्पाप्रमाणेच, दक्षिणेकडील प्रमुख शहरांना जोडणारा ‘हाय स्पीड डायमंड’ तयार होणार आहे. रेल्वे मंत्रालयाने या प्रस्तावित नेटवर्कचा नकाशा उघड केला असून, त्यामुळे अनेक शहरांमधील अंतर काही मिनिटांत संपणार आहे.

मुंबई-अहमदाबाद बुलेट ट्रेन

मुंबई ते अहमदाबाद हा हायस्पीड रेल्वे कॉरिडॉर पश्चिम भारतात नवा आर्थिक वेग आणण्यास सक्षम आहे. या मार्गामुळे मुंबई, सुरत, वडोदरा आणि अहमदाबाद ही शहरे एका आर्थिक क्षेत्रात रूपांतरित होतील, असे रेल्वे मंत्री अश्विनी वैष्णव यांनी स्पष्ट केले आहे. याच धर्तीवर दक्षिण भारतातील पाच राज्यांना जोडणारी ‘हाय स्पीड डायमंड’ योजना आखली जात आहे.

दक्षिण भारतात ‘हाय स्पीड डायमंड’ची रचना

प्रस्तावित हायस्पीड नेटवर्क अंतर्गत आंध्रप्रदेश, तेलंगणा, तामिळनाडू, कर्नाटक आणि महाराष्ट्र या राज्यांमध्ये अत्याधुनिक रेल्वे कनेक्टिव्हिटी उपलब्ध होणार आहे. या नेटवर्कमुळे दक्षिण भारतातील मोठी शहरे एकमेकांशी अवघ्या दोन तासांच्या प्रवासात बांधली जातील, ज्यामुळे उद्योग, व्यापार, पर्यटन आणि रोजगाराच्या नव्या संधी निर्माण होतील.

कोणती शहरे होणार जोडली?

हायस्पीड रेल्वे मार्गांनी पुढील प्रमुख शहरांना आपापसात जोडले जाणार आहे:

• अमरावती (आंध्रप्रदेश)

• हैदराबाद (तेलंगणा)

• चेन्नई (तामिळनाडू)

• बेंगलुरु (कर्नाटक)

• पुणे व मुंबई (महाराष्ट्र)

प्रस्तावित प्रवास वेळा

ही योजना प्रत्यक्षात आल्यास, शहरांमधील अंतर मिनिटांत मोजले जाईल. येथील काही महत्त्वाच्या प्रस्तावित वेळा:

काय होणार फायदा? तर फक्त प्रवास नव्हे, संपूर्ण अर्थव्यवस्था बदलेल

रेल्वे मंत्री अश्विनी वैष्णव यांच्या मते, हाय-स्पीड रेल ही केवळ वाहतुकीची सुविधा नसून, ती आर्थिक बदलाचे इंजिन असेल. जेव्हा मोठी शहरे वेगवान रेल्वेने जोडली जातील, तेव्हा:

• नवे औद्योगिक क्लस्टर तयार होतील

• पर्यटनाला चालना मिळेल

• शिक्षण व आरोग्यसेवा सहज उपलब्ध होईल

• रोजगाराच्या संधीत वाढ होईल

मुंबई-अहमदाबाद कॉरिडॉर जसे चार शहरांना एकत्र आणेल, तसेच दक्षिणेतील हे डायमंड नेटवर्क अनेक विकास मॉडेल्सना गती देईल.

हे पण वाचा

उपचाराच्या बहाण्याने महिलेवर अत्याचार, बेलापूरच्या बाबावर पोलिसात गन्हा दाखल … वाचा सविस्तर

सुनेत्रा पवार यांना ITAT कडून मोठा दिलासा : अजित पवार यांच्यावरील ३२.१४ कोटींची कारवाई रद्द

आंध्र प्रदेशाला मोठी भेट, साऊथ कोस्ट रेल्वे झोन जून २०२६ मध्ये

आंध्र प्रदेशसाठी एक मोठी प्रशासकीय उपलब्धी म्हणून, साऊथ कोस्ट रेल्वे झोन १ जून २०२६ रोजी अधिसूचित केला जाणार आहे. हा प्रदीर्घ प्रतिक्षेत असलेला निर्णय राज्याच्या रेल्वे विकासाला नवी दिशा देईल.

तसेच, कोलकाता-चेन्नई दुपदरी रेल्वे मार्गाचे चौपदरीकरण केले जाणार आहे. यामुळे सुमारे ५०० नवीन ट्रेन (प्रवासी व मालगाड्या) धावू शकतील, ज्यामुळे पूर्व-दक्षिण वाहतुकीला मोठा हातभार लागेल.