बसण्याच्या जागेवरून झाला वाद, त्यातून हाताशी झटापट
मिळालेल्या माहितीनुसार, सरपंच देशमुख हत्या प्रकरणातील सुदर्शन घुले, प्रतीक घुले आणि इतर गुन्ह्यातील आरोपी शंकर शेप या तिघांनी मिळून एका सहकैद्याला बेदम मारहाण केली. तुरुंगातील एका बॅरिकेटमध्ये बसण्याच्या जागेबाबत पहिल्यांदा शाब्दिक वाद झाला आणि त्यानंतर आरोपी कैद्यांनी हल्ला केला. या मारहाणीचा बळी अझर अब्दुल रहमान पठाण या कैद्याला बनवण्यात आले आहे.
व्हायरल ऑडिओमध्ये काय दावे?
या घटनेसंदर्भात एक ऑडिओ क्लिप सोशल मीडियावर वेगाने व्हायरल होत आहे. यामध्ये पठाण स्वतः बोलताना ऐकू येतो. त्याने केलेले आरोप अतिशय गंभीर आहेत:
“माझ्या हाताला जोराची दुखापत झाली आहे. मला मारहाण करण्यात आली. जेल प्रशासन माझे काहीही ऐकत नाही. त्यांनी या गँगकडून पैसे खाल्ले आहेत, मला तुरुंग बदलण्याची धमकी दिली जात आहे. म्हणतात, ‘कुठेही तक्रार कर, आमचे कोणीही काहीही करू शकत नाही. मला दवाखान्यातही नेण्यात येत नाही. मारहाण करतानाचे सीसीटीव्ही फुटेज माझ्याकडे आहेत. तसेच ऑडिओमध्ये जरांगे पाटील यांना गोळ्या घालण्याचा उल्लेखही करण्यात आला आहे. तसेच, “वाल्मिक अण्णांकडे मला बोलवलं जात आहे, असेही त्याने म्हटले आहे.
हे पण वाचा
महिला सबलीकरणासाठी कॉंग्रेस पक्ष आणि विरोधी पक्ष पूर्णपणे कटिबद्ध….वाचा सविस्तर
आयटी कंपनीमध्ये महिलांसाठी विशेष अभ्यास गट स्थापन, कामगार मंत्र्यांचे कडक निर्देश.
जेल प्रशासनाचे म्हणणे काय?
दुसरीकडे, या संपूर्ण प्रकरणाबाबत कारागृह अधीक्षक रामराजे चांदणे यांनी स्पष्टीकरण दिले आहे. त्यांच्या म्हणण्यानुसार, मारहाण झालेल्या कैद्याला विचारणा करण्यात आली असता त्याने कोणतीही तक्रार केलेली नाही. तथापि, व्हायरल ऑडिओमध्ये मांडण्यात आलेले आरोप जेल प्रशासनाच्या भूमिकेवर प्रश्नचिन्ह निर्माण करत आहेत.
सरपंच संतोष देशमुख हत्या प्रकरणाने बीड जिल्ह्यात एकेकाळी कराड गँगची कशी दहशत होती, याचे किस्से समोर आले होते. आता हीच टोळी तुरुंगातून कारवाया करत असल्याचे चित्र आहे. जेलमध्येच अशा घटना घडत असल्याने तुरुंग प्रशासनाची चौकशी आणि कठोर कारवाईची मागणी जोर धरू लागली आहे. या प्रकरणी पुढील तपास आवश्यक असून, गुन्हेगारांना कोठडीतही आळा बसत नसल्याचे उदाहरण यामुळे पुन्हा एकदा अधोरेखित झाले आहे.
टीप – जनता आवाज त्या ऑडीओची पुष्टी करत नाही
