दादाच्या अपघाताचे कारण अघोरी पूजा ?

राज्यात सध्या भोंदू बाबांच्या कारनाम्यांमुळे राजकीय वातावरण चांगलेच तापले आहे. नाशिकमधील अशोक खरात प्रकरणानंतर आता बारामतीमध्ये अघोरी पूजेचे नवे प्रकार समोर येत आहेत. राष्ट्रवादी काँग्रेसचे आमदार अमोल मिटकरी यांनी अजित पवार यांच्या वादग्रस्त अपघातापूर्वी झालेल्या अघोरी पूजेचे फोटो सोशल मीडियावर शेअर करत मोठा सनसनाटी दावा केला आहे.

अमोल मिटकरींचे गंभीर आरोप

आमदार अमोल मिटकरी यांनी सोशल मीडिया प्लॅटफॉर्मवर तीन वेगवेगळ्या पोस्ट करत या प्रकरणी महत्त्वाची माहिती उघडकीस आणली आहे. बारामतीमध्ये सहयोग घर, काटेवाडी घर आणि विद्या प्रतिष्ठान येथे अघोरी पूजा होत असल्याचे त्यांनी म्हटले आहे. ही पूजा केवळ स्थानिक हस्तक आणि राजकीयदृष्ट्या बलाढ्य व्यक्तींच्या सांगण्यावरूनच शक्य आहे, असा ठोकेतपासा त्यांनी केला.

28 डिसेंबरच्या मध्यरात्री पूजा

मिटकरी यांनी दिलेल्या माहितीनुसार, 28 डिसेंबर 2025 रोजी मध्यरात्री विद्या प्रतिष्ठानच्या एआय इमारत बांधकाम स्थळाजवळ अघोरी पूजा मांडण्यात आली होती. विशेष म्हणजे, दुसऱ्या दिवशी सकाळी अजित पवार (आदरणीय दादा) याच इमारतीच्या बांधकामाची पाहणी करणार होते. ही पूजा नेमकी त्याच रात्री का मांडण्यात आली, असा प्रश्न मिटकरी यांनी उपस्थित केला आहे.

त्यांनी याप्रकरणी एक फोटोही शेअर केला असून, तो सोशल मीडियावर व्हायरल होत आहे.

काटेवाडीतील भयंकर दृश्य

अमोल मिटकरी यांनी केलेल्या तिसऱ्या पोस्टमध्ये त्यांनी आणखी एक धक्कादायक माहिती दिली आहे. काटेवाडी परिसरात अजित पवार यांच्या बंगल्यासमोर बोकड उलटे टांगून अघोरी पूजा करण्यात आल्याचे स्थानिक नागरिकांनी सांगितल्याचा दावा त्यांनी केला. हा प्रकार विमान अपघातापूर्वी घडल्याचे सांगितले जाते.

चार महिन्यांनंतर ही सर्व अवस्था अशीच आढळून आल्याचे मिटकरी म्हणाले. त्यांनी पुढे विचारले की, “अंधश्रद्धा नाकारणाऱ्या दादांचा अंधश्रद्धा मानणाऱ्या लोकांनी कसा घात केला? हे भयंकर सत्य समोर आलेच पाहिजे.”

हे पण वाचा

हप्ता न दिल्याच क्लब बंद करण्याची धमकी, मिरजगावात हवालदाराला लाच घेताना अटक, वाचा सविस्तर…

राजकीय मतभेदांना तडा देत विकासासाठी डॉ. सुजय विखे पाटलांची सरप्राईज डिनरभेट Dr.Sujay Vikhe

अजित पवार अपघाताचा संदर्भ?

यापूर्वीही अमोल मिटकरी यांनी नोव्हेंबर महिन्यात अजित पवार यांच्या घराजवळ आणि कार्यालयाजवळ अशीच अघोरी पूजा झाल्याची माहिती दिली होती. त्यावेळी त्यांनी अपघाताशी कनेक्शन असल्याचा प्रश्न उपस्थित केला होता. आता पुन्हा एकदा त्यांनी याच मुद्द्यावर जोर देत नवे फोटो सार्वजनिक केले आहेत.

राजकीय परिणाम काय?

अशोक खरत प्रकरणानंतर राज्यातील भोंदू बाबांच्या कारनाम्यांवर प्रश्नचिन्ह उपस्थित झाले आहे. याप्रकरणी महिला आयोगाच्या अध्यक्षा रुपाली चाकणकर यांना राजीनामा द्यावा लागला आहे. आता अमोल मिटकरींच्या या नव्या दाव्याने राजकीय वर्तुळात खळबळ उडाली आहे. अजित पवार गटाने अद्याप याबाबत कोणतीही प्रतिक्रिया दिलेली नाही.

मात्र, मिटकरींनी शेअर केलेले फोटो आणि त्यातील मांडणी यामुळे हा प्रकार अधिक गंभीर बनला आहे. पुढील काही दिवसांत या प्रकरणाला आणखी वेग येण्याची शक्यता आहे.