नाशिक: शहरातील चर्चित भोंदूबाबा अशोक खरात (Ashok Kharat) प्रकरणी आज (मंगळवारी) नाशिक जिल्हा सत्र न्यायालयात महत्त्वाची सुनावणी पार पडली. या सुनावणीदरम्यान न्यायालयाने आरोपी अशोक खरात याला न्यायालयीन कोठडी (Judicial Custody) सुनावली. तसेच, उद्या (बुधवारी) पुन्हा त्याला कोर्टात हजर करण्याचे आदेशही न्यायमूर्तींनी दिले.
गेल्या सुनावणीत न्यायालयाने अशोक खरात याला ८ एप्रिलपर्यंत पोलीस कोठडी (Police Custody) दिली होती. ही मुदत संपल्यानंतर आज त्याला न्यायालयात सादर करण्यात आले. मात्र, सुरक्षेच्या कारणास्तव मागील सुनावणीप्रमाणेच अशोक खरात याला व्हिडीओ कॉन्फरन्सिंग (Video Conferencing) द्वारे न्यायालयात हजर करण्यात आले.
न्यायालयीन कारवाईत कोणी काय भूमिका बजावली?
आजच्या सुनावणीत न्यायमूर्ती श्रीमती बी. इन. इचपुराणी (Judge B. N. Ichhapurani) यांच्या न्यायालयात ही सुनावणी झाली. यावेळी आरोपीचे वकील सचिन भाटे (Advocate Sachin Bhate) तर सरकारी वकील शैलेंद्र बागडे (Public Prosecutor Shailendra Bagde) उपस्थित होते. तसेच या प्रकरणाचे तपास अधिकारी किरणकुमार सूर्यवंशी (Investigating Officer Kiran Kumar Suryawanshi) हे देखील कोर्टात दाखल झाले होते.
सुनावणीदरम्यान नेमकं काय घडलं?
न्यायालयात सुरू असलेल्या या प्रक्रियेदरम्यान न्यायाधीशांनी आरोपीला विचारले, “तुझं नाव काय?” यानंतर अधिकृत कारवाई सुरू झाली. सरकारी वकिलांनी आरोपीविरुद्ध दुसऱ्या गुन्ह्याचा उल्लेख करतानाच तिसऱ्या गुन्ह्यातही त्याचा ताबा मिळावा यासाठी अर्ज केला. या पार्श्वभूमीवर न्यायालयाने अशोक खरात याला न्यायालयीन कोठडी सुनावली.
तसेच न्यायाधीशांनी आरोपीचा ताबा कोण घेणार, याबाबतही सविस्तर विचारणा केली. यानंतर स्पष्ट करण्यात आले की, अशोक खरात याला आता सेंट्रल जेल (मध्यवर्ती कारागृह) मध्ये दाखल करण्यात येणार आहे. तेथून पुढे एसआयटी (SIT) पुन्हा त्याचा ताबा घेणार असल्याची माहिती समोर आली आहे.
सरकारी वकील शैलेंद्र बागडे यांनी काय सांगितले?
सुनावणी संपल्यानंतर सरकारी वकील शैलेंद्र बागडे यांनी माध्यमांशी संवाद साधताना स्पष्ट केले की, “आरोपीविरोधात दुसरा गुन्हा होता. आज त्याला न्यायालयीन कोठडी देण्यात आली आहे. तसेच तिसऱ्या गुन्ह्यात त्याचा ताबा घेण्याचा अर्ज न्यायालयाने मंजूर केला आहे. उद्या आम्ही आरोपी अशोक खरात याला पुन्हा कोर्टात हजर करणार आहोत.”
पुढील कायदेशीर प्रक्रिया काय?
अशोक खरात याला दुसऱ्या गुन्ह्यात न्यायालयीन कोठडी मिळाल्याने आजच त्याला मध्यवर्ती कारागृहात दाखल करण्याची प्रक्रिया पूर्ण केली जाणार आहे. त्यानंतर पुढील तपासासाठी एसआयटी त्याचा ताबा मिळविणार आहे. उद्याच्या सुनावणीत याप्रकरणी आणखी काही महत्त्वाची उलटसुलट चर्चा होण्याची शक्यता आहे.
